Танин мэдэхүйн цахим сэтгүүл

Өчигдөр эдийн засгийн болон төсвийн байнгын хорооны хамтарсан хуралдаанаар Таван толгойн хувьцааны хуваарилалтыг дахин хянахаар шийдэв. Өмнө нь иргэдэд арван хувийг олгох байсан Таван толгойн хувьцаа цаашид 20 хувь болж нэмэгдэнэ. Ингэснээр иргэн бүр 1072 ширхэг хувьцаа эзэмших эрхтэй болно. Мөн иргэд 1072 ширхэг хувьцаагаа Засгийн газарт нэг сая төгрөгөөр худалдах эрхтэй. Харин өмнө нь нэг сая төгрөгөө сургалтын төлбөрт, cap бүр 21 мянган төгрөг авсан оюутнуудын хувьцаа аль хэдийнэ Засгийн газрын мэдэлд очжээ.

Учир нь тэд эрх баригчдын амласан 1.5 сая төгрөгнөөс 1.4 сая төгрөгийг авсанд тооцогдоно. Гэхдээ Сангийн сайд асан С.Баярцогтын тайлбараар оюутнуудад сонголт бий. Тэд үлдсэн мөнгөндөө хувьцаа авч болно. Засгийн газрын үнэлгээгээр үлдсэн мөнгөнд нь 100 орчим ширхэг хувьцаа ногдоно.

Х.Баттөгс

Эх сурвалж: “Нийслэл таймс”